Oddo beson se Lazio mund të mbetet në krye

Ish-kapiteni i Lazios, Massimo Oddo, thotë se biankocelestët mund të mbeten afër kreut të tabelës së Serie A gjatë gjithë sezonit.

Oddo, i cili këtë sezon u huazua tek Bayern Munich nga Milani, është i bindur se Lazio mund të vazhdojë formën e mirë për shumicën e sezonit. 

“Duket se Lazio është një ekip më ndryshe, në krahasim me kohën kur unë isha atje. Aty është një trajner i cili mëson futboll të shkëlqyeshëm dhe ka një ekip të bërë nga lojtarë të rinj dhe atraktiv”, ka thënë Oddo. 

“Lazio e sotme sigurisht që mund të përfundojë në pozitat më të larta. Skudetoja? Nëse ky është mentaliteti i tyre... është shumë e mundshme”, ka shtuar italiani.