Sulmuesi “i harruar” Eidur Gudjohnsen, shёnoi dhjetё minuta para fundit tё ndeshjes, pёr t’i sjellё fitoren Barcelonёs si nikoqir i Real Betisit, ndeshje qё përfundoi me rezultat 3-2.
Barcelona e filloi ndeshjen nё mёnyrё tё shkёlqyeshme, me golat e Eto’o, nё minutën e 17-tё dhe njё tjetër gjashtё minuta mё pas (23’), duke shkuar nё pauzën mes pjesëve me 2-0 avantazh.
Kur dukej se nuk do tё kishte probleme pёr vendasit, Betis e bёri shumё mё interesant ndeshjen nё pjesën e dytё. Sё pari pas gati 1 ore lojё, Monzon e ngushtoi rezultatin nё 2-1, ndërsa Mari barazoi nё minutën e 67-tё.
Megjithatё fitorja ishte “shkruar” tё jetё e vendasve, pasi qё Gudjohnsen vulosi rezultatin nё minutën e 80-tё tё ndeshjes.
Nga ndeshjet tjera, Sevilla ka mposhtur nё fushё tё vet ekipin e Espanyolit me rezultat 2-0, ndërsa me po tё njëjtin rezultat fitore ka shёnuar edhe Villarreal po ashtu si vendas ndaj Santander. Atletico Madridi ka dalё fitues si mysafir i Getafes, ndeshje qё përfundoi me rezultat 2-1.
Titulli: Gudjohnsen i sjell fitoren Barcelonёs 
Fri Sep 26, 2008 7:13 pm