Gjyshi Tomoxhi Tanabe nga qyteti japonez Mijakonojo kremtoi ditëlindjen e 113-të. Ai është burri më i moshuar në botë, por ende është vital dhe i disponuar që të japë deklarata dhe dy herë në javë të shkruajë ditarin.
Autoritetet lokale rrëfejnë se Tanabe dëshiron që të jetojë përgjithmonë.
“Si do të ishte që unë të jetoj edhe tre vjet”, pyet gjyshi Tanabe.
Tanabe konsumon perime, çdo ditë pi qumësht dhe nuk vuan nga ndonjë sëmundje serioze. Thotë se fshehtësia e jetëgjatësisë është që të mos konsumohet alkooli. Japonezët janë midis njerëzve me jetën më të gjatë. Në këtë vend jetojnë më shumë se 36 mijë persona të moshës mbi 100 vjeç.