Në shitje doli botimi më i ri i librit të rekordeve Gines

Një pjesë e rekordmenëve, në Londër, e pasuruan promovimin e librit me prezencën e tyre, pasi nuk ka reklamë më të mirë se kjo. 
U paraqit njeriu më i shkurtër në botë, Hi Pingping, 60 centimetra, pranë tij, shkëlqeu rusja Svetllana Pankratova, këmbët e saja janë dy herë më të gjata se Pingpingu, 132 centimetra, padyshim edhe këmbët më gjata të një gruaje në botë. 
“Jam e emocionuar që figuroj në këtë libër, për shkak se ndjehem si mbretëreshë e këmbëve më të gjata”, tha Pankratova.
Britanikja Sindi Xhekson për herë të dytë gjendet në librin e Ginesit me një rekord të ri për numrin më të madh të operacioneve plastike.
“Për herë të parë u gjeta në librin e Ginesit në botimin e mijëvjeçarit, në vitin 2000. Deri atëherë kisha 46 ndërhyrje kozmetike, tani janë më shumë se 50”, bëri të ditur Xhekson.
Në libër mund të gjenden edhe rekorde tjera, si për shembull njeriu më i gjatë në botë, personi më i kërkuar në internet, siç është Britni Spirs, konferenca për shtyp më e gjatë e mbajtur nën ujë edhe shumë gjëra tjera interesante.