Curri: Të përqendrohemi në takimin e nesërm

Mbrojtësi i Kombëtares Shqiptare, Debatik Curri, ka kërkuar nga bashkëlojtarët që ta harrojnë zhgënjimin me Hungarinë dhe të përqendrohen te takimi i të mërkurës.

“Ishte me te vërtet për të ardhur keq. Vinim pas tre rezultateve pozitive dhe sinqerisht përjetuam çaste jo te mira pas ndeshjes”. 

“Tani duhet ta harrojmë atë humbje sa me shpejt. Trajneri ka kërkuar përmirësimin në të gjitha repartet”, është cituar Curri nga Top-Channel. 

Curri ka folur edhe për mungesën e Dallkut, duke pohuar se ai është një lojtar i rëndësishëm për kombëtaren dhe mungesa e tij ne fushe do te ndihet shume. 

“Dallku është një lojtar titullar e do te ndihet mungesa e tij. Dhe vete Dallku është mërzit pak, por janë gjera që ndodhin ne futboll. Ai kërkon të japë maksimumin në çdo ndeshje”, ka thënë Curri.