UEFA dënon Atleticon

Komisioni disiplinor i UEFA-s e ka dënuar skuadrën Atletico de Madrid duke ia ndaluar që dy ndeshjet e radhës të mos i luajë në stadiumin e vet, dhe me një lojë të kushtëzuar brenda pesë vitesh, për shkak të incidentit në ndeshjen e Grupit D të Ligës së Kampionëve kundër Marseille.

Dy ndeshjet e radhës kundër Liverpoolit (22 tetor) dhe kundër PSV (26 nëntor), Atletico do të luajë në ndonjë stadium i cili është larg së paku 300 kilometra nga kryeqyteti spanjoll.

Dënimi ka ardhur për shkak të “organizimit të keq” si pasojë e të cilit ka ardhur deri tek incidenti, si edhe “për shkak të sjelljes së keqe të tifozëve”.

Atletico njëkohësisht do të paguajë edhe 150.000 euro dënim në para, ndërsa edhe trajneri Javier Aguirre është i suspenduar për dy ndeshje