Gattuso do të luajë në mesfushë

Shkatërruesi i Milanit, Gennaro Gattuso, është stërvitur më skuadrën Azzure sot në mëngjes dhe pritet të aktivizohet në ndeshjen e të mërkurës kundër Malit të Zi.
Mesfushori ishte në dyshim për takimin e rëndësishëm kualifikues për Kampionatin Botëror 2010, mirëpo ai është stërvitur pa ndonjë problem në Via Del Mare këtë mëngjes dhe sipas të gjitha gjasave ai do të jetë në njëmbëdhjetëshin e parë të Marcello Lippi.

Mesfushori i Romës, Daniele De Rossi dhe sulmuesi i Villarrealit, Giuseppe Rossi, kanë munguar në stërvitje, dhe janë të dyshimtë për ndeshje për shkak të lëndimit.

Megjithatë Lippi ka qenë i bindur se lojtarët e lënduar do të rikuperohen për ndeshjen e nesërme.