Torres: Për ta fituar Ligën Premiere duhet tëm jemi më të mirët në Evropë

Sulmuesi spanjoll i Liverpulit, Fernando Torres ka thënë se nëse skuadra e tij dëshiron të jetë kandidate serioze për titullin e kampionit në Ligën Premiere, atëherë duhet të jetë më e mira në Evropë. 
Sipas Torresit, pikërisht katër klubet angleze (Çelzi, Mançester Junajtedi, Arsenali dhe Liverpuli) janë katër më të mira në Evropë. "Besoj se mund të fitojmë Ligën Premiere dhe Ligën e Kampionëve. Arsenali po prodhon një futboll të shkëlqyeshgëm, Çelzi dhe Liverpuli janë skuadra që luajnë me këmbëngulësi, kurse Mançester Junajtedi dihet se ka luajtur në mënyrë të përkryer në edicionin e kaluar. Të gjitha skuadrat kanë stile të ndryshme të lojës, por janë të njëjta në fuqinë e tyre. Mendoj se katër skuadrat më të mëdha në Angli, për momentin janë më të mirat në Evropë. Kemi gjasa të mira për të bërë një punë të mirë në këtë edicion, por jemi të vetëdijshëm se nuk do të jetë aspak lehtë që ta mbyllim edicionin para secilës prej tri skuadrave tjera (Çelzit, Mançester Junajtedit dhe Arsenalit)", ka theksuar Torres.