Mesfushori bjellorus, Alexandr Hleb, nuk do të rreshtohet në formacionin e kombëtares së tij, e cila të mërkurën do të përballet me të zgjedhurit e trajnerit Fabio Capello në Dinamo Stadium në Minsk.
Përzgjedhësi i Bjellorusisë, Bernd Stange, ka konfirmuar se mesfushori me tipare sulmuese nuk ka arritur të rikuperohet në kohë nga lëndimi në gju.
“Hleb është në Barcelonë dhe problemi ynë më i madh është se lojtari jonë më i mirë nuk mund të luajë”, ka thënë Stange.
Në ndeshjen e fundit ndaj Kazakistanit, Anglia fitoi bindshëm me rezultat 5-1, derisa Bjellorusia gjatë vikendit ishte e lirë.