Cannavaro dëshiron të rinovojë kontratën me Realin

Mbrojtësi i Real Madridit, Fabio Cannavaro, thotë se është i qetë rreth vazhdimit të ri të marrëveshjes, dhe dëshiron të luajë në Bernabeu edhe në sezonin e ri.

“Dua ta ripërtëri marrëveshjen me Real Madridin. Jam shumë i qetë dhe dua që t’i filloj negociatat me klubin para fundit të vitit”, ka thënë Cannavaro. 

“E gjithë bota e di se dua të nënshkruaj marrëveshje të re dhe se nuk dua të largohem. Jam i lumtur në Real dhe familja ime ndjehet mirë në Madrid”, ka shtuar kapiteni i kombëtares italiane. 

Mbrojtësi 35-vjeçar, u përfol për një rikthim tek klubi i tij i vendlindjes, Napoli, por duket se ai do të vazhdojë të mbetet tek kampioni i Spanjës së paku edhe për një sezon, pasi edhe trajneri Bernd Schuster, dëshiron ta mbajë atë.